Storyboard

Ég er aðeins byrjuð að gera storyboard en það tekst ótrúlega illa. Eins með tritment-ið fyrir myndina. Ég sé þetta allt saman fyrir mér og hvað ég vil fá frá hverjum og einum en þegar ég er að gera handritið/tritmentið þá lokast ég alveg. Ég vil eitthvað áhveðið en ég veit ekki hvað ég fæ og hvort það passi við hér eða hér. Fyrir mér er þetta frekar mikið mál. Kannski er þetta ekkert mál. Ég er byrjuð og komin með eitthvað en ég fæ mig ekki til að halda áfram.

Hér er ein mynd af því hvernig mér datt í hug hvernig ég ætti að hafa myndavélaskotin þegar ég er að tala við systkini afa. Ég ætla að vera með eina fasta vél. Ég vil að hún sýni okkur öll (þarna á myndinni sér myndavélin systkinin bara), ég vil sýna mig líka afþví að það er ég sem er að kynnast afa mínum sem ég kynntist aldrei. Svo verð ég með eina hreyfinlega myndavél sem ég þá súma á þann sem er með aðal orðið. Stundum verða það kannski 2 manneksjur þá súma ég aðeins út og ramma þær tvær inn! Þessi vél má samt ekki vera mjög truflandi. Hljóðnema-standur með stefnumæk í rottu verður staðsettur fyrir ofan þau þrjú í þeirra stefnu. Veit ekki alveg hvort ég eigi að hafa míkraphon á mér..? Svo er spurning hvort það verði mikið um glugga þarna í kring (langt síðan ég kom þarna síðast, man ekki) eða ekki þá hvort ég þurfi auka ljós eða ekki.

Ég fer mjög líklega að taka þetta upp um helgina! Hlakka mjög til að sjá afraksturinn! Vonandi klúðrast ekki of mikið hjá mér ;)

Beinagrindin

Ég er komin upp með smá beinagrind af heimildamyndinni minni.
Myndin verður uppbyggð eins og lífið hans afa (Friðjóns) frá því að hann fæðist og þangað til hann deyr. Ég ætla mér líka að taka efti árin, þegar hann er farinn og hvaða áhrif hann hafði á fólk og sveitafélagið.

 Hér er smá uppkast af beinagrindinni.

Heimildarmyndin mín

Ég kynntist aldrei afa mínum, pabba mömmu minnar. Hann lést tvemur árum áður en ég fæddist. Aðeins 57 ára gamall.Hvert sem ég fer og hann berst í tal er ekkert annað sagt en hversu einstakur og góður maður hann var.

Mig langar að kynnast honum, fá að vita hvernig hann var sem bróðir, sem pabbi, eiginmaður, vinur og afi. Þetta eru merkar heimildir, ekki bara um hann heldur líka um þennan tíma þegar hann var uppi og það verður að fara að festa þetta á blað/filmu áður en allir fara frá okkur sem geta sagt söguna. 

Mig langar og ætlar mér að gera þetta vel því þetta er mér mjög persónulegt.