Bæklingurinn

Ég lagði af stað í lítið ferðalag með það í huga að kynnast afa mínum, föður móður minnar Friðjóni Sveinbjörnssyni. Hann lést tvemur árum áður en ég kem í heiminn. Alla tíð hefur mig langað að kynnast þessum merka manni, alltaf þegar ég kynni mig sem barnabarn hans þá er mikið brosað og fagnað. Hver var afi minn?

Afi fæddist og ólst upp á Snorrastöðum. Hann fluttist í Borgarnes og kynnist Björk Halldórsdóttur. Þau eignuðust saman þrjár dætur Sigríði, Margréti og Halldóru Björk og áttu fallegt og gott líf saman. Í 33 ár starfaði Friðjón í Sparisjóð Mýrasýslu og þar af 29 ár sem bankastjóri. Hann var mikill já-maður og gerði hvað hann gat fyrir alla sem leituðu til hans. Friðjón sat í stjórn Sambands íslenskra sparisjóða, Tryggingasjóði sparisjóða, var forsvaramaður Tónlistarfélags Borgarfjarðar og virkur í kórstarfi og leiklist. Einnig sat hann í stjórn minningarsjóðs Guðmundar Böðvarssonar og var fréttaritari hjá Ríkisútvarpinu í mörg ár.

Sveitin var honum mjög kær og fór hann þangað þegar hann átti þess kost, til að hjálpa til. Laugardaginn 1. september 1990 fer hann vestur að Snorrastöðum að hjálpa til, með heybagga í fanginu hneig hann niður og steig ekki upp aftur.

Ég geri þessa heimildarmynd ekki bara fyrir sjálfa mig heldur er þetta saga allra sem kynntust Friðjóni. Merkar heimildir um merka tíma sem rita þarf niður. Þetta er saga afa míns sem ég fékk að kynnast með hjálp yndislegra vina og fjölskyldumeðlima. Takk kærlega fyrir mig.

Hvernig hljómar þetta?? =o

...svo stutt þangað til...

Úff.. nú fer allt að bresta á. Síðasti tíminn fyrir plaggatið, það var nú að mestu komið upp, triler er að detta í hús og svo er það bara að byrja að klippa og klára coverið á diskinn og bæklinginn! :)
Það er svo stutt í skilin, ég á varla orð yfir því hvað ég er stressuð...
Skólinn er búinn á miðvikudaginn og mér finnst ég eiga svo mikið eftir.
Hvernig á ég að klippa myndina mína?
Hvernig á ég að byrja?
Hvernig á ég að láta þetta passa í 15 mínútur?

AAAAA!!!

Smá stress kasst hérna ;D

Ég ætla að vera súper dugleg í dag og á morgun, fer í smá frí frá skólanum um helgina, aðeins að pústa svo verð ég brjálaðslega dugleg eftir helgi.
Þá þarf ég að klára klippinguna, lita leiðrétta, hljóðið, spurning með einhverja grafík.. veit samt ekki hvort ég hafi tíma í það og hvort það passi yfir höfuð..??

Ég verð bara núna að skipuleggja mig geggjaðslega vel! Ég vil gera þetta vel og það skal takast hjá mér. Þetta verður mjög persónuleg mynd. Vonandi fær fólk smá kökk í hálsinn þegar þau horfa á hana! Ég fékk allavena smá sollis þegar ég var að gera trilerinn :) Þetta er orðið svo tengt mér og persónulegt að þegar ég er að skrifa þetta þá finn ég fyrir smá hita í augunum og það er erfitt að kingja. :)
Ég vil hafa þessa mynd fallega og einlæga. Ég fékk að kynnast afa mínum og það var það sem ég ætlaði mér og því markmiði er náð nú er bara að gera fallegan hlut úr því sem ég hef. Setja þetta í samhengi.

Þetta er búið að vera ótrúlega skemmtilegt verkefni, ég er búin að kynnast systkinum afa míns miklu betur en ég gerði, amma mín sem ég hélt að ég þekkti inn og út kom með sögur af sér og afa sem mér datt aldrei í hug að hefði gerst (góðar sögur!). Og fékk að kynnast mínum nánasta bæ, Borgarnesi miklu betur. Ég er svo þakklát fyrir hvað það voru margir sem vildu taka þátt í þessu með mér, hver einn og einasti tók svo yndislega vel í þetta og fannst ekkert annað en sjálfsagt að hjálpa mér!

En þetta er ekki búið, ég á eftir að blogga soldið í viðbót, á ferkar mikið eftir miðað við tímann sem ég hef svo.. það kemur meir! :)

15. nóvember framhald..

Er byrjuð að setja inn efnið af spólunum inn á tölvuna og ég var hrædd um að hljóðið kæmi ekki nógu vel út en það er bara mjög gott! :) Ótrúlega ánægð og þvílíkur léttir! =D Varð bara að posta því hérna inn!
Vonandi gengur líka vel með hinar spólurnar!

15. nóvember

Jæja..

Núna er ég búin að taka viðtal við flest alla. Nema mömmu og systur hennar, Dóru og Siggu. Svo er spurning að fá að taka viðtal við fyrstu barnabörnin hans, börn Siggu - Friðjón Snorra og Guðnýju. Finnst það vera mjög viðeigandi og eiga örugglega fallegar minningar af honum.
En núna er það bara að fara að klippa það sem komið er. Sýningatíminn er 9. desember (á eftir að áhveða nákvæman tíma) svo það er allTOF stuttur tími svo það er kominn smá stress í mig..
Ég er í raun ekkert búin að áhveða mig hvernig ég ætla að gera þetta, veit bara að ég ætla að hafa þetta í tímaröð - frá því að hann kemur í heiminn og þangað til að hann deyr. Svo kemur afgangurinn hvernig það verður sett upp bara þegar ég er búin að skoða upptökurnar! :)

Mig langar til að standa mig vel og ég er búin að leggja mjög mikið á mig fyrir þessa mynd, bæði andlega og líkamlega.
Það er eitt viðtal sem ég kvíði mjög að sjá hvernig tókst því ég var í mjög þröngu rími og búið að vera mikill asi á mér svo ég hennti myndavélinni bara einhvern veginn og settist á móti viðmælenanum og svo þegar ég var búin að taka upp þá fattaði ég að það hafi verið glampi á gleraugunum hennar.. sem er þá næstum því ónothæft.. en ég krossa fingur og vona það besta!
Ég hefði viljað hafa sérstakan upptökumann til að hjálpa mér svo hann gæti hugsað bara um tökurnar og ég bara um að tala við viðkomandi. Og bara þar sem ég er ekkert svo tæknivæn á þessar myndavélar, veit ekki hvernig hljóðið fór.. t.d... svo .. æjji ég vona það bessssta! :)

Plaggatið - uppkast

Ég er komin með hugmynd af því hverni ég vil að plaggatið mitt líti út.
Er nokkuð sátt við þessa útkomu, veit ekki hvort ég breyti henni eitthvað meira. Sé til :)

Í efra hægra horninu er vísa eftir afa, hún lýsir honum víst svo vel svo mér fannst hún eiga heima á plaggatinu. Gerir það kannski persónulegra.

eða hvað...?

Snorrastaðir

    Núna er ég búin að taka viðtal við öll systkinin. Ég fór í vikunni sem leið til Hauks, næst elsta bróðurinns sem býr á Snorrastöðum. Hann sýndi mér bæinn, hvar hlaðan stóð þar sem Friðjón afi dó og fleirri fallega staði. Haukur fór með nokkrar vísur eftir afa og sagði mér t.d. frá því þegar þeir fóru saman í hestaferðir. En þeir voru báðir miklir hestamenn.
     Ég tók líka viðtal við dóttir Hauks, Dísu Möggu. Hún var 18 ára þegar afi dó og var í hlöðunni þegar hann deyr. Dísa Magga segir mér frá þessum mikla og erfiða atburð. Það er mjög erfitt að taka svona viðtal upp og var þetta mín fyrsta reynsla af því. Ég veit ekki alveg hvernig mér tókst til sem spyrjandi en ég reyndi bara að skapa eðlinlegt andrúmsloft og var búin að vara hana við þessari spurningu. Hún missti fóstur þegar hún var komin 7 mánuði á leið. Nokkrum árum seinna fæðir hún lítinn strák en síðustu vikur meðgöngunnar dreymir Dísu Möggu afa Friðjón koma til sín. Hann kemur til hennar í draumi á mjög erfiðum tíma og stiður hana í gegnum síðustu vikurnar. Þessi litli strákur heitir í dag Friðjón í höfuðið á afa Friðjóni.
     Þetta finnst mér lýsa afa mjög vel. Ef einhver er á erfitt andlega eða á í vanda þá mætti hann og mætir enn til að hjálpa. Hann var alltaf að hjálpa öllum. Mér finnst það hafa komið vel til skila með þessari frásögn.

Taka 1 þriðjudaginn 2. nóvember 2011

     Í gær fór ég til Helgu frænku minnar, systir Friðjóns afa míns og hitti þar systkini hans (Stjána (Kristján), Betur og auðvitað Helgu) og tók viðtal við þau.  Það var mjög yndislegt að tala við þau og gátu þau sagt mér heilmargt um afa minn.
     Við sátum öll saman inni í stofu. Ég stillti upp tvemur myndavélum, einni með vítt skot yfir þau öll og eina sem er í mjög nálægu skoti á andlit, handahreifingar o.s.fr.v. Ég ætlaði að hafa close-up vélina bara við hliðiná á mér á þrífætinum til þess að ég gæti tekið þátt í samræðunum en ég hætti svo við og hélt á henni svo ég gæti ráðið skotunum betur. Held að það hafi komið betur út.
     Ég veit ekki alveg hvernig hljóðið tókst hjá mér. Ég var með rottu-mæk fyrir ofan þau og svo var ég með mæk á close-up vélinni og var stundum með hana mjög nálægt svo ég held að það sé allavena eitthvað hljóð og vona, vona, vona, vona, vona að það sé gott en ég veit ekki alveg. Krossa fingur :)